Llibru pa lo más piquiñino de la casa



La Estaya de la Llingua del Conceyu d'Avilés entama la campaña El llibru pa lo más piquiñino de la casa  na que collaboren el Conceyu d'Avilés y l'Hospital Universitariu San Agustín, desendolcada tamíen n'otros conceyos como Carreño, L.lena, Siero y Xixón.

La campaña pretende afayar un preséu prestosu, cenciellu y enforma manexable onde se pueda dir escribiendo y llantando información importante del neñu o neña qu'acaba de ñacer, retratos de recuerdu, persones que lu o la arrodien y cuiden, pesu, lo que va medrando, etc. Tamién hai una riestra apartaos con pallabres prestoses o nomes de persona.

El material pa repartir ye un llibru onde escribir, pegar o dibuxar tola información referente al neñu o neña de rollu, entituláu El llibru pa lo más piquiñino de casa. Los testos tán fechos pola Rede de Servicios de Normalización del Principáu d'Asturies, les ilustraciones son d'Olmo García Huete y ta editáu pola Editorial Trabe.

La distribución de 450 exemplares va facese a traviés del Hospital San Agustín pa neños y neñes que nazan nel centru.  Poro, l'espardimientu va ser bien grande y hai de destacar la mui importante collaboración del centru hospitalariu nesta campaña de normalización de la llingua asturiana, que caltién la esencia de la normalización, la tresversalidá de la llingua asturiana.

Ver pdf col llibru




Volver