Actos n’Avilés nel Día de la Llingua Materna

El día 21 de febreru ye’l´Día de la Llingua Materna, declaráu asina pola UNESCO nel añu 2000, en conmemoración del ataque del exércitu bengalí del exércitu y policía paquistaníes escontra d’unos/es manifestantes que defendíen la llingua bengalí.

N’Avilés, como reconocencia d’esa llingua materna, van desenvolvese dos actos nel CICLAC (Centru d’Interpretación de La Carriona). A les 13:00 hores fadráse un actu d’homenaxe al escritor en llingua asturiana Bernardo Guardado, con una glosa de la so vida y obra, a cargu del escritor, dibuxante y miembru de l’Academia de la Llingua Asturiana, Miguel Solís Santos, habrá una ofrenda floral na so tumba y llectura de dalgunos de los pomes qu’escribiere.

A les 20:00 hores y, tamién nel CICLAC, presentación del Llibru de Lluis Portal Hevia, Cipriano Folgueras: una gloria d’Asturies, ganador del premiu Máximo Fuertes Acevedo d’Ensayu qu’entama la Conseyería d’Educación, Cultura y Deporte. La presentación correrá  a cargu del Conceyal de Cultura Román Antonio Álvarez, cola presencia nel actu del autor