- This event has passed.
Vista guiada pel cementeriu La Carriona
24 Xunetu, 2020 - 7:00 pm, 9:00 pm
Free
El cementeriu ye un espaciu creáu a lo último’l sieglu XIX. El so arquiteutu foi Ricardo Marcos Bausá. Tien muncha importancia histórico-artística y por eso ta dientro l’ASCE (Association of Significant Cementeries in Europe).
El puntu d’alcuentru ye la entrada del Centru d’Interpretación del Cementeriu. Hora: 19:00
CaleyAvilés 2020 ye un ciclu de visites guiaes pela ciudá y la contorna urbana de la villa. La Estaya de la Llingua del Conceyu d’Avilés organiza esti ciclu, dende hai yá 6 años, pel branu.
Les visites son siempre los vienres, hai una al mes, nos meses de xunetu, agostu y setiembre. Son de baldre.
Denis Soria Fernández, guía oficial del Principáu d’Asturies va ser l’encargáu de guiar les visites.
P’apuntase
- Per teléfonu, llamando al númberu 985 54 55 08
- Per whasap, escribiendo al númberu 634 82 16 13
- Per corréu electrónicu, na direición estayallingua@aviles.es
El númberu de places pa caúna de les visites ye de 15.
Recomiéndase llevar calzáu cómodu.
Neños y neñes tendrán de dir siempre en compañía d’una persona adulta.
Ye necesario usar mázcara.
