Cargando

Testu a buscar

Loading Events

« All Events

  • This event has passed.

Taller d’animación musical y teatral ‘El triquitraque’

Abril 3 - 6:00 pm, 7:30 pm

La compañía teatral El Triquitraque Teatru va ser la encargada de dar estos talleres d’animación musical y teatral nes tres biblioteques del Conceyu. Per aciu de la música y el teatru, la compañía recupera un xuegu y un instrumentu, los dos consideraos tradicionales.

El carrasquiyu ye un xuegu que se fai con cinco ablanes, de les que cuatro van tar xuntes, formando una pirámide pequeña y, la quinta, que tien el nome de birla, tírase dende la distancia marcada, col envís de tirar la pirámide. Ganará quien la tire o acerque más la birla.

Per otru llau, el triquitraque ye un instrumentu musical que tamién se pue llamar carraca o matraca. Tien un cuerpu o tableru de madera pegáu a unos martillos móviles, que pueden ser de madera o metal y son los que s’encarguen de dar golpes al cuerpu de madera; según el tipu de triquitraque puede tener tres, dos o un martillu; amás tamién tien un mangu p’agarralu. El sonidu produzse al agarrar el triquitraque pel mangu y da-y vueltes.

Alredor d’estos dos elementos xira’l taller nel que se va cantar, xugar y actuar. Hai de dicir qu’a partir de les 19:00 hores, les persones adultes acompañantes van poder participar, compartiendo con neños y neñes un tiempu de música y entretenimientu.

 

Sesión de 18:00 a 19:30

Places: 25

Edá: de 5 a 12 años

Ye necesario apuntase enantes nes biblioteques de cada centru, nel so horariu normal

Detalles

Data:
Abril 3
Hora:
6:00 pm, 7:30 pm
Event Category:

Llugar

Centru Sociocultural de La Carriona
c/ Castilla, 13
Avilés, Asturies 33401
+ Google Map