Cargando

Testu a buscar

Loading Events

« All Events

V Folixa de Navidá

Avientu 13 - 7:00 pm

Anguleru, Llendadores de la ría y Nataliegu vuelven a tar n’axenda d’actividaes les fiestes navidiegues del Conceyu d’Avilés dientro de la V Folixa de navidá, entamada pola Estaya de la Llingua, en collaboración cola Asociación Garabuxada, escueles públiques d’Avilés (Sabugo, La Carriona-Miranda y Marcelo Gago), Federación d’Asociaciones Xuntanza y grupu de teatru Santa Bárbara de Llaranes.

L’espectáculu entama cola Danza del tuerín de Navidá, interpretada por Xuntanza, pa siguir cola llectura de poemes por alumnáu del colexu públicu Sabugo y el cuentacuentos Un osu perfadiosu, con Olga cuerdo y acompañamientu musical de David Varela.

Amás de la Ufrienda’l Nataliegu, a cargu del alumnáu del colexu púbicu Marcelo Gago y el grupu de teatro amateur Santa Bárbara, llegará’l recibimientu del Llendador y la Llendadora de la Ría, ayudantes fieles de L’Anguleru, con L’Apurrimientu del Agasayu.

A todo esto hai d’añadir tamién, el nomamientu de Mestra Llendadora 2019 a doña María González González, La Maizona,  por ser una de las muyeres que trabayaron na primera rula d’Avilés, construyida nel añu 1920.

Ye importante acordase de que Mestros y Mestres  Llendadores son les persones qu’ayuden a L’Anguleru  y que tienen el privilexu de collaborar direutamente con él. Son persones de renome y respetables que faen las coses con xacíu. Les responsables más importantes de tolos calces. Encárguense de recoyer les cartes pa  L’Anguleru y de repartir con él, pela nueche del 24 d’avientu, L’Agasayu, llambionaes y los detalles prestosos de Navidá que trae L’Anguleru.

El corín del CP La Carriona-Miranda, xunto col so direutor Toni Coto y el coru de Xuntanza darán un conciertu pequeñu rellacionáu col Anguleru.

Programa
19:00 h: Danza del tuerín de Navidá, Federación Xuntanza.
19:10 h: Cuentacuentos Un osu perfadiosu, con Olga Cuervo y la música de David Varela.
19:30 h: Ufrienda del Nataliegu, grupu de teatru Santa Bárbara y colexu públicu Marcelo Gago.
19:45 h: Nombramientu de Mestra Llendadora 2019 a doña María González González
20:00 h: Conciertu del coru infantil del  colexu La Carriona-Miranda d’Avilés y el coru de Xuntanza.

En terminando l’espectáculu entregaránse castañes de chocolate a neños y neñes, recoyeránse les cartes pa L’Anguleru y podrán retratase con El Llendador y La Llendadora de la Ría, Xesús y Lolina.

La entrada ye de baldre hasta completar aforu. Nun se va poder entrar al auditoriu n’entamando l’espectáculu. Nun se pue entrar con silles o carricoches.

Details

Date:
Avientu 13
Time:
7:00 pm
Event Category:

Venue

Casa de Cultura
Plaza Domingo Álvarez Acebal, 2
Avilés, Asturies 33402
+ Google Map