Cargando

Testu a buscar

Noticies

Caleyavilés 2017, visites guiaes per sitios diferentes d’Avilés

Compartir

«CaleyAvilés 2017», ciclu d’actividaes que se van facer pela primavera y el branu, entamáu pola Estaya de la Llingua del Conceyu d’Avilés, ufre la posibilidá de facer una riestra visites guiaes en llingua asturiana, de baldre, a los entornos naturales y urbanos de la villa.

Calendariu de visites:

Xueves, 18 de mayu (Día de los Museos)

– Visita guiada  pel Cascu históricu, entamando dende’l barriu Sabugo

Hora: 10:00

El puntu d’alcuentru ye la estación de RENFE

– Visita al Muséu Urbanu d’Avilés

Hora: 18:00

L’actividá correrá a cargu de Denis Soria Fernández, guía oficial del Principáu d’Asturies.

Miércoles, 24 de mayu

Visita guiada pel parque Ferrera.

Hora: 16:00

El puntu d’alcuentru sedrá l’edificiu La Noria, que ta dientro’l parque.

L’actividá correrá a cargu de la empresa Ecoasturias.

La guía esplicará la cultura y creencies  alrededor de los árboles más emblemáticos de la historia d’Asturies: carbayos, castañales o texos, ente otros.

Miércoles, 21 de xunu

Visita guiada pel parque de La Madalena.

Hora: 18:00

El puntu d’alcuentru sedrá la entrada del parque que ta xunto al colexu Enrique Alonso.

L’actividá correrá a cargu de la empresa Ecoasturias.

La guía esplicará la cultura y creencies  alrededor de los árboles más emblemáticos de la historia d’Asturies: carbayos, castañales o texos, ente otros.

Vienres, 21 de xunetu

Visita guiada pel cascu históricu d’Avilés, descubriendo la historia d’una ciudá milenaria, al traviés de los sos monumentos.

Hora: 18:00

El puntu d’alcuentru sedrá delantre la Casa Conceyu, que ta na Plaza España

L’actividá correrá a cargu de Denis Soria Fernández, guía oficial del Principáu d’Asturies.

Llunes, 21 d’agostu

Visita guiada pel barriu de Llaranes, esplicando parte del patrimoniu industrial dende un barriu tan significativu y emblemáticu.

Hora: 18:00

El puntu d’alcuentru la ilesia de Santa Bárbara de Llaranes

L’actividá correrá a cargu de l’asociación La Ponte Ecomuséu

P’apuntase:

•Per teléfonu, llamando al númberu 985 54 55 08

•Per corréu electrónicu, na direición: estayallingua@ayto-aviles.es

•Presencial, oficina de la Estaya de la Llingua, que ta na Casa la Cultura, plaza de Domingo Álvarez Acebal, nu 2, primer pisu.

Toles visites son de baldre.

El númberu de places pa caúna de les visites ye de 25.

Ver cartel de l’actividá

Dexe un comentariu

Your email address will not be published. Required fields are marked *