Cargando

Testu a buscar

Noticies

CaleyAvilés 2021

Compartir

CaleyAvilés 2021, ye un ciclu de visites guiaes a los entornos naturales y urbanos de la villa, de baldre, que se faen pel branu y qu’entama la Estaya de la Llingua del Conceyu d’Avilés.

Les visites son siempre un vienres, ún al mes, ente xunu y setiembre.


Calendariu de visites

Vienres, 25 de xunu

Visita guiada pel parque  Ferrera

Hora: 19:00

El puntu d’alcuentru sedrá l’edificiu de La Noria, que ta dientro’l parque.

La bióloga Ángeles Rodríguez Tuñón  esplicará cultura y creyencies alredor de los árboles más emblemáticos de la historia d’Asturies: carbayos, castañales o texos, ente otros.

Vienres, 23 de xunetu 

Visita guiada pel cascu históricu d’Avilés, descubriendo la historia d’una ciudá milenaria, per aciu de los sos monumentos.

Hora: 19:00

El puntu d’alcuentru  va ser delantre la Casa Conceyu, na Plaza  España

La visita va guiala Denis Soria Fernández, guía oficial del Principado de Asturias.

Vienres, 13 d’agostu

Visita guiada pel cementeriu La Carriona

El cementeriu ye un espaciu creáu a lo último del sieglu XIX. El so arquiteutu foi Ricardo Marcos Bausá. Tien muncha importancia histórico-artística y por eso ta dientro l’ASCE (Association of Significant Cementeries in Europe).

Hora: 19:00

El puntu d’alcuentru yel Centru d’Interpretación del Cementeriu La Carriona (cicLaC)

La visita va guiala  Denis Soria Fernández, guía oficial del Principáu d’Asturies.

Vienres, 3 de setiembre

Visita guiada pel barriu de Sabugo, barriu marineru   y de mayor raigón de la villa.

Hora: 19:00

El puntu d’alcuentru  va ser delantre la plaza El Carbayu, delantre la ilesia vieya de Sabugo

La visita va guiala  Denis Soria Fernández, guía oficial del Principáu d’Asturies.

P’apuntase

•Per teléfonu, llamando al númberu 985 545 508

•Per corréu electrónicu, na  direición estayallingua@aviles.es

• Per whasap nel númberu 634 821 613

Toles visites son de baldre.  

El númberu de places pa caúna  de les visites ye de 15.

Recomiéndase llevar zapatu cómodu.

Neños y neñes tendrán de dir siempre con una persona adulta.

Habrá que cumplir  toles normes sanitaries que tean n’usu nesi momentu.