CaleyAvilés 2024
Compartir
Caleya con nós per sitios destacaos de la nuestra Villa y descubre tolos sos secretos.
Asina ye CaleyAvilés, una de les actividaes emblemátiques organizaes pola Estaya de la Llingua de la conceyalía de Cultura. Regresa con cinco visites guiaes a otros tantos espacios mui especiales.
Calendariu de visites:
- Vienres 21 de xunu: Ría d’Ávilés y Centru Internacional Oscar Niemeyer.
- Vienres 12 de xunetu: Visita teatralizada colo escritora avilesina Matilde de Soignie.
- Vienres 26 de xunetu: Parque Ferrera.
- Vienres 23 d’agostu: Avilés villa palaciega.
- Vienres 6 de setiembre: Barriu de Llaranes.
Denis Soria, guía oficial del Principáu d’Asturies, va ser l’encargáu de conduciles (menos la visita teatralizada).
Toles visites van entamar a les 19.00 hores y van durar alrodiu d’una hora y media. Tienen 25 places llibres pa caúna, son de baldre, pero hai d’apuntase enantes per corréu electrónicu estayallingua@aviles.es, per teléfonu 985 545 508 o pel Whatsapp nel 634 821 613.
Los y les menores que participen nes visites tendrán de dir con una persona adulta. Recomiéndase llevar calzáu cómodu.
![](https://llinguaviles.com/wp-content/uploads/2024/06/vinilo_CALEYA_24_v3_2-642x1024.jpg)