Ciclu CaleyAvilés 2025
Compartir
CaleyAvilés afítase yá como una propuesta clave pa volver a descubrir Avilés en llingua asturiana.
El ciclu de visites guiaes pol que puxa la Estaya de la Llingua percorrerá dellos requexos de la ciudá ente los meses de xunu y agostu.
La primer visita sedrá esti vienres, 27 de xunu, y tendrá como escenariu’l parque Ferrera. Nel percorríu falaráse d’especies d’árboles emblemátiques pa la cultura asturiana, como los texos, carbayos o fayes. El puntu d’alcuentru ye l’edificiu de La Noria.
El vienres 25 de xunetu sedrá’l turnu del cementeriu La Carriona, un espaciu cargáu d’historia y simbolismu. La visita saldrá dende la puerta principal del cementeriu.
Pa terminar, lá ultima visita sedrá’l vienres 29 d’agostu con un paséu pel cascu históricu d’Avilés. Incluirá, si ye que ta disponible, una visita a la capiya de Las Alas. El grupu xuntaráse na plaza España, delantre la Casa Conceyu. Los y les menores que participen nes visites tendrán de dir con una persona adulta. Per otru llau, recomiéndase llevar calzáu cómodu.
Cada visita tendrá como muncho 25 places y la participación ye de baldre.
P’apuntase, puede facese per corréu electrónicu estayallingua@aviles.es, llamando al 985 545 508, o per Whatsapp nel 634 821 613.
Toles rutes entamarán a les 19:00 hores y tarán dirixíes por Denis Soria, guía oficial del Principáu d’Asturies.
Calendariu de visites
- Vienres 27 de xunu. Parque Ferrera
- Vienres 25 de xunetu. Cementeriu La Carriona
- Vienres 29 d’agostu. Cascu históricu
