Día de Les Lletres Asturianes

Hoi celebramos el día de Les Lletres Asturianes. L’actu institucional de l’Academia de la Llingua Asturiana fadráse nel teatru Campoamor d’Uviéu a les 20:30. Acuéyese nesti actu  al nuevu o nueva académica, la presidenta de l’Academia, Ana Mª Cano, dará’l so tradicional discursu institucional y cuntaráse cola llectura de pomes y actuaciones musicales. Enantes, a les 19:30 ta convocada la manifestación pola oficialidá del asturianu, reivindicación vieya de la sociedá asturiana, que volverá a pidir, dempués de 31 años, la oficialidá de la llingua d’Asturies. La manifestación saldrá de la estación de RENFE d’Uviéu pa terminar con un comunicáu a les puertes del teatru Campoamor.