La Estaya de la Llingua programa el ciclu La reciella en casa: “La cuarentena presta”

La Estaya de la Llingua del Conceyu d’Avilés programó un ciclu d’actividaes entituláu La reciella en casa: “La cuarentena presta”, pal públicu infantil que se va desenvolver ente los díes 6 y 13 d’abril, coincidiendo coles vacaciones de Selmana Santa. Van ser un total de 8 actividaes  en llingua asturiana que, tolos díes abrirán una puerta a la imaxinación y al pasalo bien pa la reciella al traviés d’internet.

Sedrán un total de 8 actividaes que van facer diferentes profesionales con muncha esperiencia en disciplines como los cuentacuentos, la música o los talleres de temátiques tan variaes como la escritura, el dibuxu, el cómic o la ropa tradicional.

Tolos díes, dende les 17:00 hores y durante les 24 hores siguientes, va ser posible participar nestes actividaes dende enllaces publicaos na web de la Estaya de la llingua (www.llinguaviles.com) y del Conceyu d’Avilés (www.aviles.es), amás d’en redes sociales municipales.

Esti ye’l calendariu d’actividaes del ciclu La reciella en casa: “La cuarentena presta”:

• Llunes 6: Cuentacuentos ‘La cuyarapa Martina’, con Ana Morán.
• Martes 7: Cuentacuentos ‘La neña con ales’, con Borja Roces.
• Miercoles 8: Taller ‘Faciendo un llibru, dibuxamos y escribimos’, con Susana Sela.
• Xueves 9: Cuentacuentos ‘Risines’, con Ana Morán.
• Vienres 10: Taller de cómic, con Ruma Barbero.
• Sábadu 11: Taller de ropa tradicional, con Susana Sela.
• Domingu 12: : Mini conciertu, con David Varela.
• Llunes 13: Taller de cómic II , con Ruma Barbero.