Cargando

Testu a buscar

Noticies

La ONCE adauta “La bruxa Pumarina y el dragón Maragatu” al llinguax braille

Compartir

Con motivu de los actos de celebración del bicentenariu del nacimientu de Louis Braille, inventor del métodu de llectura en relieve, qu’averó los llibros a les persones ciegues de tol mundu, la ONCE vien d’asoleyar la torna del llibru “La bruxa Pumarina y el dragón Maragatu” del escritor en llingua asturiana Vicente García Oliva, al nomáu llinguax.

Nel actu de presentación de la obra, que tuvo llugar el pasáu xueves 4 de xunu na sede central de la ONCE n’Asturies, tuvieron presentes Ana MªCano González, presidenta de l’Academia de la Llingua Asturiana; l’asturianu Pedro A. Zurita, ex secretariu de la Unión Mundial de Ciegos; Jose Luis Iglesias, en representación de la ONCE n’Asturies; y el propiu autor Vicente García Oliva.