La reciella de la Factoría na rede

Siguimos col ciclu la Reciella de la Factoría na rede nesti segundu semestre del añu. Tán programaes tres actividaes, coincidiendo en sábadu y les emisiones van ser siempre a les 11:00 hores, anque a partir d’esa hora podrán vese nel horariu y nos díes que se quiera.

Programáronse tres sesiones diferentes con cuentacuentos, marionetes y música pa entretener a tola familia, y sobre too, a lo pequeñino de la casa, nun día fuera del horariu escolar.

El programa ye’l  que vien darréu:

27 de payares, sábadu: Aventurina, l’ablana, de Factoría Norte 

Interpretación, marionetes y canciones van ser los recursos pa que la nuestra protagonista, Aventurina, protagonice histories y cosadielles, rellacionaes cola natura a la que pertenez.

18 d’avientu, sábadu: Güelina, con Ana Morán

Cuentacuentos d’una güelina con munchos nietos y nietes, casi venti.  Y ¿cómo pue ser qu’esta muyer tan ruina y feble pueda tener fuerza pa siguir dando tantu cariñu?…Esta güelina yera máxica.

15 de xineru, sábadu: [ SUSPENDÍU POR PROBLEMES DE SALÚ ] Nun me presta, con Olga Cuervo

Nun me presta ser princesa. Nun me presta llevar vistíu. Nun me presta que nun me faigan casu…

Hora d’emisión: 11:00

Pa tolos públicos

Podrán vese nes redes sociales del Conceyu d’Avilés, na web de la Estaya de la Llingua (www.llinguaviles.com), na revista de la Fundación Municipal de Cultura (www.avilescultura.com) y na plataforma dixital PlayPresta.