VI Folixa de Navidá
Compartir
La VI Folixa de Navidá va ser esti añu pela mañana, a les 11:00 hores del día 16 d’avientu, nel auditoriu de la Casa la Cultura. La idea ye recuperar delles tradiciones propies d’esta época del añu n’Asturies, como’l Ramu de Navidá o la quema d’El Nataliegu pa que dea prosperidá nel añu qu’entra.
L’actu tien varies partes: un cuentacuentos entítuláu “Un Nataliegu Perbullindiegu”, sofitáu nel cuentu qu’escribieron Víctor Raúl Pintado Rey “Vitu” y Alberto Álvarez Peña. La presentación, coordinación y el cuentacuentos correrán a cargu de l’actriz Olga Cuervo, bien conocida nel mundu de la escena.
Tendremos un Nataliegu nel escenariu, obra de la Escuela de Cerámica d’Avilés al que se-y fadrá la ufrienda tradicional. Cantaránse villancicos tradicionales n’asturianu, aguilandos y villancicos escolares como d’El Nataliegu y del Ramín de Nadal.
Pa too esto, tendremos la participación de dalgunes escueles del Conceyu d’Avilés, del grupu de teatru Santa Bárbara de Llaranes y l’Agrupación Xuntanza.
