Cargando

Testu a buscar

Noticies

Visita teatralizada pel parque Ferrera

Compartir

63 neños y neñes del CEIP La Carriona-Miranda -el so alumnáu al completu d’ente los 6 y 12 años, xunto con 8 profesores del centru, van participar esti vienres, el día 21 de marzu, nuna visita teatralizada pel Parque Ferrera a cargu de les actrices Olga Cuervo y Ana Morán. Sedrá a les 12:30 hores, dura una hora y coincide cola cellebración del Día de les Viesques.

Esta actividá xurde de la collaboración ente la Estaya de la Llingua y el CEIP La Carriona-Miranda, ún de les 6 escueles piloto n’Asturies d’esti cursu escolar pa usar l’astuiranu como llingua vehicular.

La visita teatralizada del miércoles incluye una esplicación de la historia’l parque, del xardín francés, de la cultura asturiana al traviés de los árboles y d’actividaes importantes d’Avilés que tán xuníes a esti espaciu verde emblemáticu, ún de los pulmones d’Avilés.

La Carriona-Miranda ye una escuela pionera n’Avilés nel deprendimientu de la llingua asturiana y en desenvolver programes d’interculturalidá y mestura social, aspeutos que la Conseyería d’Educación tuvo en cuenta pa escoyela. Les otro cinco escueles que tán dientro d’esti proyeutu llingüísticu son: El Bosquín (L’Entregu), Xentiquina y el Cotayu en Siero, Bernardo Gurdiel (Grado/Grau) y Santiago Apóstol (Mieres)