XII Xuntes d’Escolines y Escolinos d’Avilés y la redolada
Compartir
Los díes 4 y 5 de mayu l’auditoriu de la Casa Cultura del Conceyu d’Avilés acueye les actividaes de les XII Xuntes d’Escolines y Escolinos d’Avilés y la redolada. Esti añu dedíquense a Asturies.
Ta prevista la participación de 767 escolinos y escolines de 15 centros educativos d’Avilés y la redolada. El día 4 participarán escolares de primaria, a partir de les 10:30 hores y el día 5 tóca-y el turnu a la mocedá de Secundaria y Bachilleratu, a partir de les 12:00 hores.
Ente les actividaes que se van amosar pa esi día, habrá l’estrenu d’abondes representaciones, recitales de poesía, música y trabayos d’investigación. Esta puesta en común ye’l resultáu del trabayu d’estos meses nos talleres que la compañía teatral Nun Tris dio nos mesmos centros.
