Premiu Primer Concursu pa Secundaria y Bachilleratu nes XI Xuntes d’Escolines y Escolinos d’Avilés y la redolada
Compartir
L’IES Nº 5 d’Avilés, ganador nes XI Xuntes d’Escolines y Escolinos
L’Institutu Nº 5 d’Avilés proclamóse ganador del concursu de trabayos presentaos polos institutos participantes nes XI Xuntes d’Escolines y Escolinos qu’esti añu tuvieron dedicaes al cómic.
El martes día 12 de mayu, unos doscientos escolares de Secundaria y Bachilleratu de cinco centros educativos (IES Carreño Miranda, IES Virgen de La Luz, IES Nº 5, IES Menéndez Pelayo, IES Los Campos) mostraron los sos trabayos nel escenariu del auditoriu de la Casa la Cultura.
El xuráu dio la mayor valoración a la representación d’alumnes y alumnos del IES Nº 5 a les diferentes artes representaes: escéniques, plástiques y doblaxe, asina como’l bon rexistru de llingua asturiana.
El xuráu tuvo formáu por Miguel Solís Santos, dibuxante y miembru de l’Academia de la Llingua Asturiana; Hugo Cortina Fanjul, especialista en llingua asturiana y responsable del Serviciu de Normalización Llingüística de Samartín del Rei Aurelio y Olga Cuervo Álvarez, actriz y miembru de la Rede Internacional de Cuentacuentos.
El premiu dotáu con 300 euros de material escolar pa la clase d’asturianu, entrégase’l xueves, 29 de mayu, nel Palaciu de Valdecarzana, a les 13:30 h.
