“Una pregunta pa cada historia”. Taller nel Conceyu Corvera

Ábrese’l plazu pa inscribise nel Taller gratuitu d’Historia d’Asturies que, col títulu d’Una pregunta pa cada historia, va comenzar les sesiones el xueves 6 de payares. Hasta esi día la xente adulto interesao va poder inscribise nel mesmu, tanto nel Centru Tomás y Valiente como nel Centru Sociocultural de Las Vegas/Les Vegues.Una pregunta pa cada historia busca introducir na Historia d’Asturies a les persones interesaes, siempres dende un planteamientu abiertu y rigorosu  p’averase a cuestiones como’l Reinu d’Asturies, la cultura na Edá Media Asturiano-Lleonesa, la conformación del territoriu asturianu, les condiciones de vida del campesináu, el papel de la Ilesia, los oríxenes del Principáu y la Xunta Xeneral, ente otres cuestiones más. Esti taller va ser impartíu pol técnicu responsable del Serviciu de Normalización Llingüística de Corvera, Rafael Rodríguez Valdés, que ye Llicenciáu n’Historia pola Universidá d’Uviéu y Postgráu n’Archivística pola UNED, amás de ser autor de distintes publicaciones venceyaes cola Historia d’Asturies. D’otra banda, va contase cola participación de trés historiadores especialistes na dómina medieval y moderna, casu de Xuan F. Bas Costales, Jesús Fernández Fernández y Nicolás Alonso Rodríguez, que van ufrir charres temátiques demientres el taller.
El taller, de calter gratuitu y con una duración de catorce hores, va desarrollase en sesiones de dos hores tolos xueves, n’horariu de 18 a 20 hores. Les sesiones del cursu van facese nel Aula 2 del Centru Sociocultural de Las Vegas/Les Vegues.