Presentación lliteraria en Nava: La prueba del once. Poesía asturiana del sieglu XXI, d’Antón García

Presentación de l’antoloxía poética  LA PRUEBA DEL ONCE. Poesía asturiana del sieglu XXI, d’Ediciones Saltadera.

Recueye la obra de poetes nacíos y nacíes dempués de 1980, por primer vez axuntaos y axuntaes nuna obra d’esti tipu. D’acordies col antólogu, Antón García,  “esmolición llingüística, pluralidá de voces, interés por recuperar la plaza pública pa la poesía puen ser dalgunes de les característiques d’esti grupu d’autores diferentes”.

L’actu, entamáu pol Serviciu de normalización llingüística de la Comarca de la Sidra, va cuntar cola presencia del propiu Antón García y de dellos de los poetes antologaos, como Henrique Facuriella, Alejandra Sirvent o Pablo X. Suárez, y va incluyir un recital de dalgunos de los testos del llibru.

Día: 28 d’ochobre

Hora: 19:30

Sitiu: sala Marta Portal

Casa la Cultura de Nava

Ver cartel de la presentación