Día de la Llingua Materna. Repartu de campaña informativa <>

El Conceyu d’Avilés reparte dende’l día 22 de febreru, dientro los actos del Día de la Llingua Materna, 750 folletos informativos sobre les bases llegales y les posibilidaes que la llei llanta pa poder camudar el nome o los apellíos pola so forma correspondiente en llingua asturiana.

Nel añu 2013, repartióse parte d’esta campaña, onde collaboraron varios Conceyos d’Asturies, nel casu d’Avilés col repartu de 10.000 folletos informativos peles diferentes comunidaes vecinales de la ciudá y material dixital descargable.

Agora, en 2016, col mesmu diseñu, repártense a partir del día 22 de febreru, 750 folletos nos centros culturales, biblioteques y centros sociales. Tamién ye posible descargar esti material dende esta mesma páxina.