Día de la Llingua Materna. Presentación del blog << ¿Ayúdote yo?>>

Día 19 presentación del blog http://llinguamaternaayudoteyo.blogspot.com.es/

La idea de facer un blog con frases de la tradición oral, tresmitíes principalmente pela vía materna, que se van pasando de xeneración en xeneración xurde del Serviciu de Normalización Llingüística d’El Cabu Peñes, xuniéndose dempués Servicios como’l de Castrillón, Samartín, Siero y Avilés, que foi la última incorporación al proyeutu.

El blog cuenta con material de trabayu en disitintos formatos, principalmente pensáu pa centros escolares que dean clase de llingua asturiana, amás de marcar el calter de tresversalidá del asturianu.

Esti actu va contar cola presencia de los y les diferentes responsables de los Servicios de Normalización participantes y del actor asturianu Carlos Alba, qu’animará l’actividá, amás de que contribuyera a facer el blog cola grabación de dalgunes frases.

Hora: 11:00

Sitiu: Centru Polivalente “La Baragaña”, de Candás.

Ver pdf cola portada del blog