Ciclu de visites guiaes ‘CaleyAvilés 2018’

‘CaleyAvilés 2018’, ciclu de visites guiaes que se van facer en primavera y branu, entamáu pola Estaya de la Llingua del Conceyu d’Avilés, da la posibilidá de facer una riestra visites guiaes en llingua asturiana, de baldre , a los espacios naturales y urbanos de la villa.

Esti añu les visites fáense’l primer vienres de cada mes, esceuto la primera al coincidir cola fecha de cellebración del Día Internacional de los Museos.

Calendariu de visites:

Vienres, 18 de mayu (Día de los Museos) (19:00h): Visita al Muséu de la Historia Urbana d’Avilés. L’actividá correrá a cargu de Denis Soria Fernández, guía oficial del Principáu d’Asturies.

Vienres, 1 de xunu (19:00h): Visita guiada pel parque de La Madalena. El puntu d’alcuentru sedrá pela entrada del parque que ta al llau del colexu Enrique Alonso. L’actividá  correrá a cargu de la empresa Ecoasturias. La guía va esplicar la cultura y creyencies alredor de los árboles más emblemáticos de la historia d’Asturies: carbayos, castañales o texos, ente otros.

Vienres, 6 de xunetu (19:00h): Visita guiada pel barriu de Sabugo, parque d’El Muelle y Paséu de la Ría . El puntu d’alcuentru sedrá la Plaza del Carbayo, delante de la iglesia. L’actividá correrá a cargu de Denis Soria Fernández, guía oficial del Principáu d’Asturies.

Viernes, 3 d’agostu (19:00h): Visita guiada pel parque Ferrera, incluyendo la visita’l pozu escaváu dientru del edificiu de La Noria. El puntu d’alcuentru sedrá l’edificiu La Noria, que ta dientro’l parque. L’actividá correrá a cargu de la empresa Ecoasturias. La guía esplicará la cultura y creencies  alrededor de los árboles más emblemáticos de la historia d’Asturies: carbayos, castañales o texos, ente otros.

Viernes, 7 de setiembre (19:00h): Visita guiada pel cascu históricu d’Avilés, descubriendo la historia d’una ciudá milenaria, al traviés de los sos monumentos, incluyendo la capiella Las Alas. Esta capiella funeraria del sieglu XIV ye Bien d’Interés Cultral (BIC) dende l’añu 1991. Dende’l puntu de vista estructural, la capiella ye una auténtica novedá dientro de l’arquiteutura asturiana contemporania. Ye de planta cuadrada, con una orientación perbona y una sillería mui bien trabayada nes muries. Hai de destacar nella’l tipu de bóveda que la cubre, nomada aquitana. Esti modelu cúpula y la so estructura tan orixinal faen que la pudieren considerar d’estilu protogóticu, estilu del qu’hai pocos exemplos n’Asturies. El puntu d’alcuentru sedrá delantre la Casa Conceyu, que ta na Plaza España. L’actividá correrá a cargu de Denis Soria Fernández, guía oficial del Principáu d’Asturies.

P’apuntase:

• • Per teléfonu, llamando al númberu 985 54 55 08
  • Per corréu electrónicu, na direición: estayallingua@aviles.es
  • Presencial, oficina de la Estaya de la Llingua, que ta na Casa la Cultura, plaza de Domingo Álvarez Acebal, n^u 2, primer pisu.

Toles visites son de baldre.  El númberu de places pa caúna de les visites ye de 25.