Pa que nun t’aburras 2021
Compartir
Ciclu pa esti primer semestre del añu formáu de cuatro talleres infantiles, pa neños y neñes de 5 a 10 años. La duración de cada taller ye de media hora y l’horariu pa velos o descargalos, les 11:00 hores.
¿Quién va guiar los talleres?
ALADANZA ye frutu del saber profesional, formativu y vital de Rosa Cuervo, educadora infantil que se formó en munches metodoloxíes educatives y artístiques. Dende 1990 dedícase a la recoyía, enseñanza y difusión de la cultura tradicional asturiana, n’especial nel ámbitu rellacionáu col baille y la música, lo que-y valió pa consiguir, amás d’una esperiencia grande, una visión abierta y integradora del folclore na que l’asturianu ye la llingua de comunicación y rellación.
¿Ónde se van poder ver o descargar?
Nes redes sociales del Conceyu d’Avilés, na páxina web de la Estaya de la Llingua (www.llinguaviles.com), na revista dixital de la fundación Municipal de Cultura (www.avilescultura.com) y na plataforma dixital PlayPresta.
Feches y talleres
Día 16 de febreru
PON LA MÁZCARA
Con esta actividá avérase a neños y neñes a la mitoloxía asturiana y convídase-yos a recortar, colorear y decorar la mázcara del personaxe mitolóxicu que más-yos preste.
Día 27 de marzu
ENTRETEYANDO
Con esti taller neños y neñes van averase de manera prestosa y práctica a les Construcciones populares y la so rellación colos oficios tradicionales. Nesti sen van convertise en teyeros o teyeres y espresar la so creatividá faciendo la so propia teya pa lluéu decorala colos símbolos de l’arquitectura tradicional que más-yos presten.
Fálase d’instrumentos musicales tradicionales de percusión como la pandereta o les castañueles y tamién de preseos de la cocina que s’aprovechaben p’acompangar cantares y bailles. Ye una manera tamién de reconocer y dar visibilidá al llabor de la muyer na música popular y el so papel na tresmisión del patrimoniu oral
tradicional. El taller entama cuntando l’orixe y cómo se toquen dellos instrumentos
de percusión (panderos, panderetes, castañueles…) y de la cocina (botella, sartén, morteru..). Dempués la reciella fai’l so panderu cuadráu con una caxa pizza. En faciéndolu y decorándolu pue usase pa tocar dellos ritmos y deprender un
cantarín.
Día 29 de mayu
EL BAILLE EMBRUXÁU
Una neña con muncha curiosidá, un ser mitolóxicu, un conxuru y unos cuantos animales baillarinos. ¿Desfacemos l’encantamientu? Taller con danza y cuentu.
La danza ye una forma d’espresión artística y de comunicación que venceyada a la tradición promueve’l raigañu, el sentimientu de pertenencia a la comunidá, l’apreciu pola cultura propia y el respetu a otres cultures.
Los cuentos son una parte bien importante de la medranza de neños y neñes, pa que vayan empatizando col mundu, agrandando la so imaxinación y resolviendo conflictos. Nesti taller xúntense dambos aspeutos p’averalos a bona parte del folclor asturianu al traviés d’una hestoria cola qu’amás de deprender diversos bailles y cantares asturianos, van conocer vocabulariu rellacionáu con variaos aspeutos de la cultura tradicional asturiana.
