CALEYAVILÉS 2022
Compartir
La Estaya de la Llingua entama cuatro visites guiaes de baldre y en llingua asturiana pelos sitios más emblemáticos de la ciudá nes se que trata de conocer la historia la villa y tamién la de los sos personaxes más destacaos. Por eso, amás de conocer los secretos de dalgunos sitios como’l cementeriu La Carriona, el Parque Ferrera o’l Cascu Históricu, una de les actividaes va ser una visita teatralizada cola figura de Marcos del Torniello como fondu.
Les visites “Caleyavilés” van ser un vienres de cada mes, xunu, xunetu, agostu y setiembre y tienen 15 places. Va contase con guíes espertos y espertes na temética de l’actividá y sedrán toes a les 19:00 hores. Duren aprosimadamente una hora y media. Recomiéndase llevar calzáu cómodo y los y les menores siempre tienen que dir con una persona adulta.
P’apuntase puede llamase al teléfonu 985 54 55 08, mandar un whataspp al 634 82 16 13 o mandar un cprréu electrónicu a estayallingua@aviles.es.
Programa CaleyAvilés 2022
- Vienres 17 de xunu. Cementeriu La Carriona.
- Visita guiada por Denis Soria Fernández de la empresa de turismu Ser Asturianu y guía oficial del Principáu d’Asturies. Puntu d’alcuentru: Puerta principal del cementeriu.
- Vienres 8 de xunetu. Cascu Históricu.
- Con visita a la capiya de Las Alas guiada por Denis Soria Fernández. Puntu d’alcuentru: delantre la Casa Conceyu na plaza España.
- Vienres 12 d’agostu. Visita teatralizada
- Fadráse un repasu pola vida del escritor Marcos del Torniello nel que l’actor Sergio Buelga fadrá d guía y maestru de ceremonies. Puntu d’alcuentru; la casa onde vivió l’escritor, cai de La Estación , nu 10.
- Vienres 2 de setiembre. Visita al Parque Ferrera.
- Descubriendo los árboles más emblemáticos y importantes de la cultura asturiana, visitando l’edificiu La Noria. El percorríu tará guiáu pola bióloga Ángeles Rodríguez Tuñón.
