Lliteratura n’asturianu n’Avilés
Compartir
Esti mes, la Sociedá Económica del País d’Avilés y Comarca organiza un ciclu sobre lliteratura asturiana qu’entamó’l pasáu llunes día 9 .
El ciclu, presentáu pol conceyal de Cultura, Román Antonio Álvarez y el secretariu d’Amigos del País, Armando Arias, abriólu l’escritor Adolfo Camilo Díaz con una disertación sobre “Un viaxe pola lliteratura n’asturianu”.
El novelista Nacho Guiraldo, cola ponencia “La llista de los catorce”, continuará’l ciclu el día 16. El críticu y guionista José Havel falará de les sos propies esperiencies lliteraries, el día 23 de marzu, col títulu “Un viaxe inéditu per Avilés”. Pa terminar, l’escritor y abogáu Manuel García Rubio va zarrar el ciclu, el día 30 de marzu, cola conferencia titulada “Sal”. L’escenariu pa esti ciclu ye’l Palaciu de Valdecarzana, siempre a les 20.15 hores.
