La Comarca’l Sueve va abrir un Serviciu de Normalización Llingüística

La mancomunidá de la Comarca’l Sueve, formada polos conceyos de Piloña, Parres y Caravia, va tener en pocu tiempu un Serviciu de Normalización Llingüística, pa trabayar nos aspeutos d’usu y espardimientu de la llingua asturiana. El Serviciu va ponese en marcha na seronda, xuniéndose asina a la Rede de Servicios de Normalización Llingüística, que yá cuenta con doce oficines: Avilés, Cabu Peñes, Cangas del Narcea, Comarca de la Sidra, L.lena, Llangréu, Mieres, Samartín del Rei Aurelio, Siero, Xixón, Navia-Eo y Llaviana.

La sede va tar nel pisu cuartu de la Casa la Cultura de L’infiestu.