La Xunta Xeneral del Principáu fala n’asturianu

Hoi la llingua asturiana tien una presencia importante cola llectura de testos por parte de conceyales, parlamentarios y parlamentaries rexonales, asina como tamién de diputaos y diputaes nacionales. Los/les participantes van lleer una esbilla de testos incluyíos nuna publicación de la obra col títulu Una botella d’agua, enllena de tierra vivo, sacáu d’un versu del poemariu Cuartetu de la Criación de Xose Antonio García, poeta al que se-y dedica la XXXI Selmana de les Lletres Asturianes.