IX Xuntes d’Escolines y Escolinos d’Avilés y la redolada

Los díes 2 y 3 de mayu celébrense n’Avilés nel Auditoriu de la Casa Cultura del Conceyu, les IX Xuntes d’Escolines y Escolinos d’Avilés y la redolada, dientro los actos de la XXXIII Selmana de Les Lletres Asturianes. 700 participantes nesta nueva edición, fadrán un homenaxe a la llingua asturiana, representando nel escenariu la obra, la vida y el momentu históricu de les y los poetes qu’escribieron en llingua asturiana nel sieglu XVIII. Xosefa Xovellanos, Bruno Fernández Cepeda, Teresa Cónsul o Antón Balvidares enllenarán el auditoriu, con una visión diferente propia de la mocedá o de los neños y les neñes de distintos centros d’enseñanza.