XXXIII Día de les Lletres Asturianes

L’Academia de la Llingua Asturiana celebra güei l’actu del XXXIII Día de les Lletres Asturianes cola xunta estraordinaria d’académicos y académiques, una esbilla de poemes y les actuaciones musicales de Marina Valle Roso, cantante de tonada, l’acordión de Xuan Nel Expósito y la banda gaites de Villaviciosa.

La Conseyería de Cultura, dientro los actos de la XXXIII Selmana de les Lletres Asturianes inaugura la esposición La llingua na historia nel colexu públicu de Sariegu, Salvador Vega Berros (Vega) y entama una conferencia na Casa la Cultura de Santalla d’Ozcos a cargu del profesor de la Universidá d’Uviéu, Jose Antonio Álvarez Castrillón, entitulada Delas señas da Ilustración na Asturias occidental.