Premios lliterarios Conseyería d’Educación, Cultura y Deporte 2012

La Conseyería d’Educación, Cultura y Deporte tien abiertu’l plazu d’entrega d’orixinales pa participar nos concursos lliterarios en llingua asturiana: Xosefa Xovellanos de novela, con una estensión mínima de setenta y cinco páxines a espaciu doble; Xuan Mª Acebal de poesía con estensión mínima de quinientos versos; Máximo Fuertes Acevedod’ensayu con estensión mínima de cincuenta páxines escrites per una cara y a espaciu doble; Mª Josefa Canellada de lliteratura infantil/mocedá con una estensión de  mínima de doscientos cincuenta versos pa la poesía y y de trenta páxines pa los demás xéneros y Alfonso Iglesias, de cómic con una estensión mínima de cincuenta páxines. Los premios tán dotaos con 4.000 € caún d’ellos de tema llibre. Les obres tienen que presentase nel Rexistru Xeneral del Principáu d’Asturies (Edificiu Alministrativu, c/ Coronel Aranda, s/n, planta baxa, sector central, Uviéu) hasta’l 15 de setiembre de 2012. Han de presentase en dos sobres zarraos onde se tien qu’escribir el nome del premiu, títulu de la obra y nomatu del autor/a. El sobre A llevará los datos del autor/a (señes, teléfonu y un curriculum pequeñu), el sobre B tendrá’l trabayu orixinal y cuatro copies del testu.