Presentación del nuevu llibru de Cristina Muñiz Martín, “Cosa de tiempu”.

Cristina Muñiz Martín ye narradora, creadora de monólogos y escritora de guiones rediofónicos. La primer obra que se conoz de l’autora ye del añu 2005 Onde pisen poques güelles, primer llibru de cuentos de la escritora. Dempués vendrán El buscador d’histories añu 2007 y Kárias (2008). La primer novela Ventiocho díes (2008), monólogos col llibru Ente muyeres, con esti títulu significativu por tratase de muyeres monologuistes; guiones de radio y obres de lliteratura infantil y pa la mocedá, como Dingurindaines (2010), La pota encarnada (2011) o Urraca l’asturiana (2011) , como novela histórica y agora vuelve al mundu los cuentos, incluso al rellatu curtiu, podríemos dicir en dalgunes de les narraciones d’esti llibru que se presenta güei Cosa de tiempu de la editorial Ámbitu. La presentación va correr a cargu del conceyal de cultura del Conceyu d’Avilés, Román Antonio Álvarez, tando presentes nel actu l’autora Cristina Muñiz Martín y Alberto Suárez, representante de Producciones Ámbitu.

Sitiu: Palaciu de Valdecarzana d’Aviles; cai d’El Sol, nu 1.

Día: 4 de setiembre de 2012

Hora: 20:00 hores.