X Seronda n’Avilés

Entama la folixa de la X Seronda n’Avilés. Yá son diez años dende que l’asociación Escontra’l Raigañu entamare cola recuperación del espíritu de Seronda na ciudá, siendo agora la federación d’Asociaciones Xuntanza, l’organismu encargáu d’ello, col sofitu del Conceyu d’Avilés.  Esti añu entamen los actos el día 30 d’ochobre cola conferencia de Berto Peña nel Palaciu de Valdecarzana entitulada  “Mitos y tradiciones na nueche de difunto” a les 20:30 hores. Los díes 2, 3 y 4 habrá una carpa na Plaza de Domingo Álvarez Acebal (delantre la Casa Cultura del Conceyu) pa llevar ellí les xeres más tradiconales de la Seronda (mayar la mazana o la esfoyaza ), música y baille tradicionales, amás d’amueses de diferentes races de mazanes, el certamen de tonada o la posibilidá de comer los productos típicos d’esta época del añu. Pa más información equí ta’l programa completu.