Autores nel camín: Gonzalo González Barreñada
Compartir
Dientro del ciclu Autores nel camín, el palaciu de Valdecarzana acueye, el llunes día 20 d’avientu a les 19:00 hores, un actu poéticu-lliterario del autor Gonzalo González Barreñada, cola llectura de poemes del llibru ganador del Premiu Xuan María Acebal 2019, entituláu El llar n’orde.
Ente les obres presentaes, el xuráu decidió conceder el premiu a esti poemariu destacando “la singularidá de la voz poética que recrea con emoción el paisax natural y humanu n’Asturies con una llingua qu’esplora les posibilidaes del versu llargu averándose a la prosa”.
Gonzalo González Barreñada (Sotrondio, 1973), llicenciáu en Xeografía y Historia, ye poeta y narrador en llingua asturiana. La so obra etíquétase como “realismu máxicu”, con influyencies al empar del cuentu tradicional.
Obres:
- (2015) Dos cuentos na revista Campu de los Patos númb. doble 5-6
- (2016) Biografíes. Saltadera.
- (2017) El cuadernu bermeyu na revista Campu de los Patos númb. 7
- (2018) La casa de Xuan Buelga. Saltadera.
- (2018) Hestories de Burgundu. Saltadera.
- (2019) El pesu de la lluz. Saltadera.
- (2020) El llar n’orde. Ediciones Trabe.
- (2021) La hestoria ensin contar. Ediciones Trabe.
La entrada ye llibre hasta completar aforu
Ye obligatorio usar mázcara
