Bebecuentos musicales nes escueles de 0 a 3

El 20 de payares celébrase’l Día Universal del neñu y la neña, coincidiendo cola Declaración de Derechos de la Infancia de 1959, asina como l’aprobación de la convención de Derechos del Neñu y la Neña de 1989, el 20 de payares d’esi añu. Esti ye’l tratáu más universal de tolos trataos internacionales qu’hai.

Dedicar un día universal a la infancia sirve pa facer un llamamientu de les necesidaes que tienen neños y neñes, y tamién reconocer el llabor de les persones y profesionales que trabayen a favor y pa la infancia.

Tamién el 11 d’ochobre hai un Día Internacional de la Neña, que xurde dempués de munchos años del Día Universal, por dar visibilidá a les necesidaes específiques de les neñes.

Poro, vamos festexar esi día 20, con varies sesiones de Bebecuentos musicales, nes Escueles de 0 a 3 del Conceyu d’Avilés, a cargu de l’actriz Ana Morán y el músicu David Varela.

L’horariu de sesiones y escueles onde se van facer ye ésti:

Payares

Día 16: 10:30 a 11:00 La Toba

Día 17: 10:30 a 11:00 La Madalena

Día 21: 10:30 a 11:00 (1 sesión) y de 11:15 a 11:45 (1 sesión) El Quirinal