CaleyAvilés 2016, visites guiaes per Avilés y la redolada
Compartir
«CaleyAvilés 2016», ciclu d’actividaes que se van facer pel branu, entamáu pola Estaya de la Llingua del Conceyu d’Avilés, ufre la posibilidá de facer una riestra visites guiaes en llingua asturiana, de baldre, a los entornos naturales y urbanos de la villa y la redolada.
Calendariu de visites:
Vienres, 29 de xunetu
Hora de salida: 16:30 h
Hora de llegada: 21:00 h
Visita guiada pela playa de San Xuan, dunes de L’Espartal y charca de Zeluán.
El puntu d’alcuentru ye’l parque d’El Carbayedo. D’ellí va salir un autobús pa la playa de San Xuan, onde entama la visita.
La empresa de xeoturismu y desarrollu rural, Lláscara, sedrá la encargada d’ello, esplicando de manera cenciella la dinámica costera d’esta zona.
Llunes, 29 d’agostu
Horariu: 17:30 h a 19:30 h
Visita guiada pel parque Ferrera.
El puntu d’alcuentru sedrá l’edificiu La Noria, que ta dientro’l parque.
L’actividá correrá a cargu de Verónica Álvarez Cachafeiro, xeóloga, guía-intérprete del patrimoniu y consultora de mediu ambiente, turismu y desarrollu rural.
La guía esplicará la cultura y creencies alrededor de los árboles más emblemáticos de la historia d’Asturies: carbayos, castañales o texos, ente otros.
Xueves, 29 de setiembre
Horariu: 17:30 h a 19:30 h
Visita guiada pel cascu históricu d’Avilés, descubriendo la historia d’una ciudá milenaria, al traviés de los sos monumentos.
El puntu d’alcuentru sedrá delantre la Casa Conceyu, que ta na Plaza España
L’actividá correrá a cargu de Denis Soria Fernández, guía oficial del Principáu d’Asturies.
P’apuntase:
•Per teléfonu, llamando al númberu 985 54 55 08
•Per corréu electrónicu, na direición: estayallingua@ayto-aviles.es
•Presencial, oficina de la Estaya de la Llingua, que ta na Casa la Cultura, plaza de Domingo Álvarez Acebal, nu 2, primer pisu.
Toles visites son de baldre.
El númberu de places pa caúna de les visites ye de 25.
Ver pdf con tola información
