CaleyAvilés 2020
Compartir
CaleyAvilés 2020, ye un ciclu de visites guiaes pela ciudá y la contorna urbana de la villa. La Estaya de la Llingua del Conceyu d’Avilés organiza esti ciclu, dende hai yá 6 años, pel branu.
Les visites son siempre los vienres, hai una al mes, nos meses de xunetu, agostu y setiembre. Son de baldre.
Denis Soria Fernández, guía oficial del Principáu d’Asturies va ser l’encargáu de guiar les visites.
Calendariu
Vienres, 24 de xunetu
Vista guiada pel cementeriu La Carriona
El cementeriu ye un espaciu creáu a lo último’l sieglu XIX. El so arquiteutu foi Ricardo Marcos Bausá. Tien muncha importancia histórico-artística y por eso ta dientro l’ASCE (Association of Significant Cementeries in Europe).
Hora: 19:00
El puntu d’alcuentru ye la entrada del Centru d’Interpretación del Cementeriu
Vienres, 21 d’agostu
Visita guiada pel Cascu Históricu
Diremos descubriendo la historia d’una ciudá milenaria, per aciu de los sos monumentos.
Hora: 19:00
El puntu d’alcuentru va ser delantre la Casa Conceyu, na Plaza España
Vienres, 18 de setiembre
Visita al barriu de Llaranes
Llaranes ye un barriu creáu nos años 50 pola empresa siderúrxica ENSIDESA, pa trabayadores y inxenieros que llegaben a trabayar a Avilés coles sos families.
Hora: 19:00
Puntu d’alcuentru: Plaza Mayor de Llaranes, delantre’l reló
P’apuntase
- Per teléfonu, llamando al númberu 985 54 55 08
- Per WhatsApp, escribiendo al númberu 634 82 16 13
- Per corréu electrónicu, na direición estayallingua@aviles.es
El númberu de places pa caúna de les visites ye de 15.
Recomiéndase llevar calzáu cómodu.
Neños y neñes tendrán de dir siempre en compañía d’una persona adulta.Ye necesario usar mázcara.
