Cursu de Llingua Asturiana nel Conceyu de Cabranes
Compartir
El Serviciu de Normalización Llingüística de la Comarca de la Sidra, en collaboración col Conceyu de Cabranes, entama pa esta seronda un cursín de llingua asturiana na Casa la cultura de Santolaya. El cursu, de 30 hores de duración, impartiráse los llunes y los miércoles de 17:30 a 19:00 hores y abordará, amás de les normes ortográfiques y gramaticales, aspectos d’historia, socioloxía y cultura actual en llingua asturiana. Los interesaos podrán apuntase hasta’l propiu día 5 d’ochobre poniéndose en contactu col Serviciu de Normalización Llingüística de la Comarca de la Sidra nel teléfonu 985 71 84 13, de llunes a xueves ente les 9:00 y les 15:00, al traviés del corréu electrónicu llinguachigre@gmail.com o de la paxina de facebook del Serviciu (https://www.facebook.com/snllmancosi). La inscripción y asistencia al cursu ye de baldre dafechu.
