El segundu pergamín que contien el fueru d’Avilés yá ta en casa

El nuevu pergamín del fueru d’Avilés, que contién los privilexos daos por Alfonso VI a la ciudá y qu’afletare’l so nietu, Alfonso VII en 1155, descubriólu y recuperólu’l Conceyu d’Avilés nestos díes. Esti documentu, lo mesmo que’l otru exemplar conserváu nel Archivu de la ciudá ye un manuscritu orixinal y únicu, de conteníu asemeyáu, magar qu’aporta dos artículos más que l’otru documentu y la lletra ye daqué diferente. El día 21 d’avientu de 2009, dempués de la so desapaición de 200 años, el pergamín que contién la confirmación de los privilexos qu’otorga’l fueru, vuelve pa casa, como fonte de conocimientu de la historia llariega, asturiana y española na dómina medieval.