El teatru Palacio Valdés va acoyer la gala d’entrega de la X Edición del Premiu al Meyor Cantar 2017
Compartir
Los finalistes son los grupos “Luis Núñez y los Folgazanes” y “Hoboken Band”, y los autores,Bras Rodrigo y Odón del Paganéu.
“Luis Núñez y los Folgazanes”, Bras Rodrigo, “Hoboken Band” y Odón del Paganéu competirán el 29 de setiembre que vien p’algamar el premiu al Meyor Cantar en llingua asturiana. Ye la primer vez que se celebra n’Avilés y nel teatru Palacio Valdés. Esti premiu yá tien una reconocencia y prestixu ente los y les artistes y ye un referente pa creadores.
El xuráu decidirá el cantar ganador na propia gala, na que van actuar los cuatro finalistes. Mientres dure’l discutiniu va xubir al escenariu del Palacio Valdés la ganadora del añu pasáu, Anabel Santiago. Al intérprete o grupu que gane daráse-y una escultura orixinal de l’artista María Jesús Rodríguez. Amás, el Principáu va promionalu con diferentes actuaciones musicales.
Les persones interesaes en dir a la gala, que va entamar a les 20:00 hores, podrá reirar les entraes dende mañana miércoles, día 27 na taquilla de la Casa la Cultura, de 11:00 a 14:00 y de 18:00 a 21:00. Tamién podrán facelo’l mesmu día la gala, 29 de setiembre, dende les 18:00 h. na taquilla del mesmu teatru.
Les entraes son de baldre hasta completar aforu. El públicu que vaya recibirá un regalu d’un CD colos cantares presentaos nesta X edición.
