El Tribunal Constitucional refugó la cuestión d’inconstitucionalidá escontra la Llei d’Usu del Asturianu

El TC refugó la cuestión d’inconstitucionalidá escontra la Llei d’Usu presentada pol xulgáu de lo Contencioso Alministrativo d’Uviéu, alrodiu de la negación de l’Alministración del Principáu a tramitar el permisu de vacaciones del abogáu Xurde Blanco, permisu que solicitare nun escritu fechu n’asturianu. L’autu afita y sofita l’emplegu de la llingua asturiana pola ciudadanía en cualesquier documentu oficial nes sos rellaciones cola Alministración Autonómica.