Ñaz n’Avilés “Xuntanza” un nuevu grupu pa promover y estudiar el folclore y la cultura tradicional asturiana

De momentu, esta Federación ta formada por cinco asociaciones culturales d’Avilés  col envís d’estudiar y promover el folclore y la cultura tradicional asturiana, según lo escrito nel so Estatutu.

Esta federación presentóse’l sábadu día 7 de marzu n’Avilés y inscribióse nel Rexistru rexonal d’asociaciones el día 6 de marzu. La Federación tien l’enfotu en delles xeres como puen ser: organizar conferencies, esposiciones, cursos sobre la cultura tradicional asturiana; sofitar les feries del branu y seronda o collaborar na toponimia del Conceyu d’Avilés, que nun futuru tendrá d’aprobase.

Xuntanza ta formada por cinco coleutivos d’Avilés: Banda Gaites “Villa d’Avilés”, “Escontra’l Raigañu”, “Pleamar”, “Xaréu d’Ochobre” y “Avilés Joven”. El so ámbitu de trabayu ye Avilés y el so partíu xudicial.