Premiu Xosefa Xovellanos 2009

Pablo Antón Marín Estrada gana’l premiu de narrativa Xosefa Xovellanos 2009 cola novela entitulada Mientres cai la nueche. Escritor llangreanu, poeta, narrador, articulista del periódicu Les Noticies y traductor d’obres como Peter Pan, La máquina del tiempu o Aladín. Nel añu 2000 conviértese nel primer autor qu’algama un premiu nacional (el “Abril” de narrativa pa la mocedá) con una novela escrita n’asturianu. El llinguax cenciellu y la claridá marquen el camín de la obra de Pablo Antón, tomando asina l’autor partíu pol llector o llectora, llantando les víes de comunicación y xuntura pa con él o ella.