Taller de lliteratura en Corvera
Compartir
Dende esta selmana y hasta’l 28 d’ochobre inclusive, ábrese’l plazu pa inscribise nel “Taller de llectura n’asturianu” que quier ser una manera d’acercase a la lliteratura asturiana actual.
El taller, de baldre, ye una iniciativa de la Casa de la Llingua del Ayuntamientu de Corvera, en collaboración col área de Cultura del Ayuntamientu de Mieres, y va ser impartíu pol técnicu responsable del Serviciu de Normalización Llingüística de Corvera, Rafael Rodríguez Valdés.
El taller, qu’emprima’l xueves 29 d’ochobre y que va siguir desarrollándose a lo llargo l’añu, consiste en dos sesiones: na primera, el responsable de la Casa de la Llingua empresta un exemplar del llibru seleccionáu a cada persona inscrita nel taller y va introducir a la obra de los y les autores escoyíos/es; na segunda, que va celebrase nes selmanes vinientes, los y les participantes nel taller van disfrutar d’un alcuentru lliterariu col/a autor/a del llibru. Asina les coses, recomiéndase a les persones interesaes tener conocimientos de llingua asturiana y afición a la llectura.
Les places pa esti taller son limitaes, acutándose plaza per orde rigorosu d’inscripción.
Inscripciones nos rexistros del conceyu hasta’l 28 d’ochobre; la primer sesión del taller va facese nel Centru Sociocultural de Las Vegas/Les Vegues el xueves 29 d’ochobre a les 19 hores.
