VI Concursu de rellatu curtiu l’Horru del Carbayedo

Sestu concursu de rellatu curtiu n’asturianu que convoca l’asociación de vecinos L’Horru del Carbayedo. Les bases pa participar son les que vienen darréu:

1- Pue participar cualesquier escritor/a en llingua asturiana, como muncho con tres rellatos.

2- Los rellatos nun puen pasar de les 500 pallabres. La temática ye llibre.

3- El plazu pa presentalos piésllase a les 14 hores del día 1 d’agostu.

4- La presentación namás pue facese pel Corréu Electrónicu, unviando los rellatos en formatu WORD a: avvelhorreo@yahoo.es. Los trabayos dirán encabezaos per un TÍTULU y firmaos namás con un NOMATU/pseudónimu. Nel corréu electrónicu axuntaráse un archivu aparte, que la organización (A. VV. El Hórreo) guardará en secretu, ensin que’l xuráu pueda conocelu enantes del fallu, colos datos siguientes: nome, teléfonu, señes, DNI, y títulu/os presentáu/os al concursu.

PREMIOS.

Daránse dos premios: primeru, de 400 euros y troféu; segundu, de 200 euros y placa. Los dos premios nun pueden recayer nel mesmu autor/a.

SISTEMÁTICA.

a.- El 6 d’agostu un xuráu formáu por reconocíes personalidaes de la cultura asturiana determinará los trabayos ganadores.

b.- El llunes, 20 d’agostu, los/les autores lleerán los rellatos premiaos y recoyerán los premios, a les 20:00 hores, nel Salón d’Actos de la AA. VV. El Hórreo (C/Dr. Marañón, 16, baxu).

c.- Tolos rellatos presentaos, premiaos o non, van esponese al públicu al aire llibre, nel campu la fiesta (Parque del Carbayedo), los díes qu’éstes duren.

d.- El Xuráu entenderá de cualesquier dulda o problema que puea apaecer. A les sos decisiones nun se pue retrucar.

e.- Presentase a esti concursu implica la plena aceutación d´estes BASES.