Ciclu La Reciella de la Factoría: “El viaxe de Covaletti”

“El viaxe de Covaletti” (Premiu Oh! de les Artes Escéniques 2014 al Meyor Espectáculu Infantil), historia inspirada na lliteratura de viaxes, trespasando fronteres y conociendo cultures diferentes.

La Estaya de la Llingua, en collaboración cola asociación Reciella-Familes pol Asturianu, entama’l ciclu La Reciella de la Factoría, siguiendo col proyeutu entamáu hai siete años.

Van ser un total de cuatro representaciones, una al mes, de cuentacuentos, música, teatru y marionetes pa que la reciella lo pase bien con histories y lleendes sorprendentes, contaes en llingua asturiana.

Les cuatro representaciones desenvuélvense nel espaciu escénicu de la Factoría Cultural, a les 19:00 hores, con entrada llibre y de baldre hasta completar aforu.