Cargando

Testu a buscar

Campañes

Xugamos pa deprender

Compartir

La campaña Xugamos pa deprender, entrega a las Escueles Infantiles del Conceyu d’Avilés xuegos pa conocer el nome del cuerpu humanu en llingua asturiana, nel Día de la Llingua Materna.

Entamó yá hai cuatro años esta campaña pa les Escueles Infantiles del Conceyu, con temes como los animales domésticos, los animales xabaces y el cuerpu humanu: la cabeza.  Avilés foi’l primer Conceyu d’Asturies que preparó un material d’esti tipu.

Esti añu la propuesta ye continuación de la del añu pasáu que se dedicó al cuerpu humanu tamién, pero a les partes de la cabeza.  Nesta ocasión van recibir un material nuevu, consistente nun doble xuegu col que van deprender los nomes del cuerpu humanu, en concretu de les partes del troncu, a mou de pieces que tienen de dir encaxando y que van posaes nuna alfombra onde tán pintaes estes partes. Ye doble, porque hai pieces del troncu per delantre y per detrás en bolses individuales pa cada parte.

L’oxetivu de la campaña ye que les neñes y los neños d’Avilés deprendan vocabulariu básicu n’asturianu gracies al xuegu. Asina, a cada Escuela de 0-3 dáse-yos varies caxes  con material diseñáu pola empresa avilesina Signum, mui afayadizu pa la reciella.

Na caxa hai varies fiches con retratos de les partes del troncu per delantre y per detrás  col so nome n’asturianu: pescuezu, llombu, bandullu…, son exemplos de lo qu’hai na caxa. Neños y neñes podrán rellacionalos col so contornu nuna alfombra, onde les pieces encaxen como si fueren un rompecabeces.