- This event has passed.
CaleyAvilés: Cascu Históricu
28 Xunetu, 2023 - 7:00 pm, 8:30 pm
Free
Caminar la ciudá y conocer los sos secretos contaos n’asturianu. Asina ye CaleyAvilés, una de les actividaes emblemátiques organizaes pola Estaya de la Llingua de la conceyalía de Cultura.
En xunetu, el día 28, les y los caminantes van dir entemeciéndose pente les cais del monumental Cascu Históricu d’Avilés, con una parada especial na capiya de Las Alas. El sitiu pa xuntase va ser la plaza España, delantre la Casa Conceyu.
Denis Soria, guía oficial del Principáu d’Asturies, va ser l’encargáu de conducila
Toles visites van entamar a les 19.00 hores y van durar alrodiu d’una hora y media. Tienen 15 places llibres pa caúna, son de baldre, pero hai d’apuntase enantes per corréu electrónicu estayallingua@aviles.es, per teléfonu 985 545 508 o pel Whatsapp nel 634 821 613.
Los y les menores que participen nes visites tendrán de dir con una persona adulta. Recomiéndase llevar calzáu cómodo.
