CaleyAvilés: Sabugo

Caminar la ciudá y conocer los sos secretos contaos n’asturianu. Asina ye CaleyAvilés, una de les actividaes emblemátiques organizaes pola Estaya de la Llingua de la conceyalía de Cultura.

El tradicional barriu marineru de Sabugo sedrá’l compañeru de la última visita, pal 25 d’agostu. Salse de la plaza’l Carbayo, delantre la ilesia vieya de Sabugo, nun podría salise d’otru sitiu meyor.

Toles visites van entamar a les 19.00 hores y van durar alrodiu d’una hora y media. Tienen 15 places llibres pa caúna, son de baldre, pero hai d’apuntase enantes per corréu electrónicu estayallingua@aviles.es, per teléfonu 985 545 508 o pel Whatsapp nel 634 821 613.

Denis Soria, guía oficial del Principáu d’Asturies, va ser l’encargáu de conduciles.

Los y les menores que participen nes visites tendrán de dir con una persona adulta. Recomiéndase llevar calzáu cómodo.