Abiertu plazu d’inscripción VII Xornaes d’Espacios de Creación n’Avilés 

Hoi día 3 de payares ábrese’l plazu d’inscripción a les VII Xornaes d’Espacios de Creación Contemporánea d’Avilés, qu’entamen el Conceyu d’Avilés y la Universidá d’Uviéu. Esti añu organízase un Alcuentru Internacional sobre Patrimoniu Funerariu. Ye mui importante la presencia d’espertos y espertes na materia, de les universidaes cimeres d’Europa y de cementerios enforma importantes, como ye’l casu de Pascal-Hervé Daniel direutor de los cementerios parisinos. Les VII Xornaes desarrollaránse nos díes 17, 18 y 19 de payares, n’horariu de 16:00 a 20:30 nel CMAE d’Avilés. La inscripción ye de baldre y puede facese llamando per teléfonu al númberu 985 54 55 08, per corréu electrónicu a la direición: estayallingua@ayto-aviles.es o presencial, na Casa Municipal de Cultura d’Avilés, c/ Domingo Álvarez Acebal, nu 2. Daráse diploma d’asistencia.