Cargando

Testu a buscar

Noticies

CaleyAvilés 2019

Compartir

CaleyAvilés 2019, ye un ciclu de visites guiaes a los entornos naturales y urbanos de la villa, de baldre, que se faen pel branu y qu’entama la Estaya de la Llingua del Conceyu d’Avilés.

Les visites son siempre un vienres, ún al mes, ente xunu y setiembre.

Calendariu de visites

Vienres, 28 de xunu 

Visita guiada pel parque  Ferrera 

Hora: 19:00

El puntu d’alcuentru sedrá l’edificiu de La Noria, que ta dientro’l parque.

La bióloga Ángeles Rodríguez Tuñón de la empresa Trebeyos C.B. esplicará cultura y creyencies alredor de los árboles más emblemáticos de la historia d’Asturies: carbayos, castañales o texos, ente otros.

Vienres, 19 de xunetu 

Visita guiada pel parque de La Madalena.

Hora: 19:00

El puntu d’alcuentru sedrá la entrada del parque que ta apegada al colexu Enrique Alonso.

La bióloga Ángeles Rodríguez Tuñón de la empresa Trebeyos C.B. esplicará cultura y creyencies alredor de los árboles más emblemáticos de la historia d’Asturies: carbayos, castañales o texos, ente otros.

Vienres, 2 d’agostu

Visita guiada pel cascu históricu d’Avilés, descubriendo la historia d’una ciudá milenaria, per aciu de los sos monumentos, incluyendo la capiella de Las Alas. A esta capiella funeraria del sieglu XIV  nomáronla Bien d’Interés Cultural (BIC) nel añu 1991. 

Hora: 19:00

El puntu d’alcuentru  va ser delantre la Casa Conceyu, na Plaza  España

La actividad correrá a cargo de Denis Soria Fernández, guía oficial del Principado de Asturias.

Vienres, 6 de setiembre

Vista guiada pel cementeriu  La Carriona y el barriu de Miranda. El cementeriu ye un espaciu creáu a lo último del sieglu XIX. El so arquiteutu foi Ricardo Marcos Bausá. Tien muncha importancia histórico-artística y por eso ta dientro l’ASCE (Association of Significant Cementeries in Europe).

El barriu de Miranda ye l’orixe de la cerámica negro, del llinguax del Bron de los caldereros y de personaxes ilustres que se cree pudieron nacer ellí o vivir, como Carreño Miranda o Alejandro Casona.

Hora: 19:00

El puntu d’alcuentru ye la entrada principal del cementeriu.

La visita va guiala  Denis Soria Fernández, guía oficial del Principáu d’Asturies.

P’apuntase

•Per teléfonu, llamando al númberu 985 54 55 08

•Per corréu electrónicu, na direición: estayallingua@aviles.es

•Presencial, oficina de la Estaya de la Llingua, que ta na Casa la Cultura, plaza de Domingo Álvarez Acebal, nu 2, primer pisu.

Toles visites son de baldre.  

El númberu de places pa caúna de les visites ye de 25.  

Dexe un comentariu

Your email address will not be published. Required fields are marked *